母親節

母親節當日唔同媽咪食飯住，因為太多人。所以我同Monchhichi爸爸就好得閒，我針灸之後就去食飯，跟住就返屋企。

當經過一間金舖嗰時，見到個婆婆坐係橱窗到舔緊張紙，當時我同Monchhichi爸爸對望咗一眼，我地2個都好唔開心。之後我就同Monchhichi爸爸講不如去買個飯盒俾婆婆，佢話可能婆婆已經飽呢，佢話見到婆婆舔緊係好似麥記茄汁不如俾錢婆婆等佢可以買自己鍾意食o既嘢，但係我怕婆婆唔好意思收喎，點講可以唔傷佢自專心呢？Monchhichi爸爸就話：“婆婆俾你買嘢食架”，咁咪得囖。吓？！好驚喎，而且有好多人。

跟住我地就返轉頭，俾咗啲錢婆婆，婆婆好開心，猛話祝我身體健康，我就叫婆婆收好啲錢，因為我見到有個中年男人係咁望住我地。走咗之後我就同Monchhichi爸爸講話有個男人望住我地，我叫佢望下嗰個男人走咗未，Monchhichi爸爸話唔見咗同埋婆婆都收埋咗啲錢，Monchhichi爸爸叫我唔使驚，可能嗰個男人都驚我呃婆婆呢，咁我地就好安心咁返屋企喇。

Monchhichi爸爸話婆婆好慘，仲要加上今日係母親節，所以慘上加慘。

希望婆婆以後會過得好啲啦！！

一百萬人的故事 ~ 小朋友的故事

小朋友係社會未來o既棟樑就係人都知，但係當呢啲窮o既小朋友得唔到適當o既教育嗰時，我地第時o既社會會變成點樣呢？

最令我深刻o既就係劉嘉玲訪問嗰個小朋友，當劉嘉玲問到嗰個小朋友一個月有幾多零用錢時，嗰個小朋友話一個月有$10，呢個答案唔單止令劉嘉玲打個突，就連我都係同樣反應。唔止咁様，當劉嘉玲再問佢攞嚟做啲咩，佢答話攞嚟儲，仲要儲$7咁多，剩低$3就買糖，但係今個月買咗下個月就唔會買。大家估下個小朋友儲起啲錢攞嚟做咩呢？如果我第時都有個咁生性o既小朋友就好喇，佢話攞嚟讀書用。點解呢個小朋友可以咁生性呢？

另外一個次次都考第一，佢今年會入中學，佢想入嗰間中學係區内數一數二，不過雜費好貴，呢個家庭一定負擔唔起。當而家呢個社會o既小朋友有十萬樣嘢要學，樣樣都要錢o既時候，我地係咪容唔落呢一班低下階層呢？而窮o既小朋友係咪就得唔到應有o既教育，就算佢地有幾叻都無用呢？

一百萬人的故事 ~ 女人的故事

做女人難，做媽媽難，做單親媽媽更難，但係原來做窮o既單親媽媽係最難。
點解曾經愛過你o既男人可以傷得你咁深呢？（我assume佢地啲老公係愛過佢地）俗語有話要仔唔要乸，但係佢地啲老公就咁走咗去，連啲小朋友都唔理就實在太過份，啲小朋友係無辜架，點解要咁様對佢地呢？
有一個女人日日要開工，平日做12個鐘，weekends做足16個鐘，一個月只係得4000幾蚊人工。仲要之前幫佢老公還債，所以搞到咁o既田地。
另外一個就因為要慳錢，成日食埋啲過期食品，搞到媽媽同小朋友都營養不良。。。
雖然2個媽媽都好窮，但係都為咗佢地o既下一代努力，實在值得敬佩！！！你地要加油哦！！！

一百萬人的故事 ~ 序

當我睇到“一百萬人的故事”，我就知道眼淺o既我一定會眼濕濕。平時Monchhichi爸爸見到我睇嗰啲好慘o既電視節目都會叫我唔好睇，因為我一定會喊。
呢個節目係講香港窮人o既生活，星期一o既序係講點樣籌備，同埋節錄咗啲訪問。聽到啲訪問我已經覺得佢地好慘同埋好無奈。。。
通常睇到呢啲節目除咗覺得自己好幸福之外，仲覺得個心好唔舒服。點解我地個社會咁繁榮有咁多隱型富豪，都有咁多窮人呢？而當啲有錢人越嚟越有錢嗰時，啲窮人呢？會唔會越窮呢？究竟有咩辦法可以令到貧富懸殊唔會越嚟越嚴重，政府可唔可以做啲嘢呢？

近况

好耐已經無冩blog，呢排好忙，雖然無做嘢，但係我搞緊2間網上店鋪，日日都好busy。
啲朋友成日話邊有限多嘢做架，原來搞網上店鋪真係有好多嘢做，要影相啦又要冩description，仲有管理啲貨，答下客問題。。。。。。
希望生意可以快啲上軌道啦！！

情人節的晚餐

今年的情人節很難忘......

因為我現在没有工作，而且情人節出外吃飯實在是太貴的關係，我决定親自下廚。哈哈你没聽錯哦，不單弄愛心晚餐，還要是西餐呢！！好像我從來都没有弄過西餐呀！！好緊張哦，怕會不好吃......

下午出外買材料，特别到一家很大的超市去買，西餐常客“牛柳”那邊好多人哦！！雖然和牛是貴了點，但没關係啦，就買回家搞定它。另外還買了大蝦，豬扒，菜等等。

搞了大半天，終於弄好了......

你們覺得還可以嗎？

A先生個baby

A先生個baby出咗世都未探過佢， 噚晚去探佢，佢隻耳珠好大架，第時一定會好有福姐，仲有佢見到有陌生人嚟到就唔會睜大眼，只會裝下我地，好搞笑架！！