一百萬人的故事 ~ 序

當我睇到“一百萬人的故事”，我就知道眼淺o既我一定會眼濕濕。平時Monchhichi爸爸見到我睇嗰啲好慘o既電視節目都會叫我唔好睇，因為我一定會喊。
呢個節目係講香港窮人o既生活，星期一o既序係講點樣籌備，同埋節錄咗啲訪問。聽到啲訪問我已經覺得佢地好慘同埋好無奈。。。
通常睇到呢啲節目除咗覺得自己好幸福之外，仲覺得個心好唔舒服。點解我地個社會咁繁榮有咁多隱型富豪，都有咁多窮人呢？而當啲有錢人越嚟越有錢嗰時，啲窮人呢？會唔會越窮呢？究竟有咩辦法可以令到貧富懸殊唔會越嚟越嚴重，政府可唔可以做啲嘢呢？